يالله يا منشي من السحب ودان
ياربنا اللي لك صلاتي وصومي
وسلام يا شيخ من شيوخ شمران
شمران صبيان الوفا والسلومي
يابو مشاري أنت للطيب عنوان
وانته تعرف ظروفنا والعلومي
والوضع ما يخفاك يا ذيب سرحان
وراعي الوفى دايم يسد اللزومي
من بعدها وصل سلام ابن سلطان
للقايد اللي جعل عمره يدومي
القايد اللي كلمته شانها شان
اللي عن الخاطر يجلي الهمومي
واشرح له الموضوع من دون نقصان
وان ش الله ان قلبه دوام رحومي
محمد سلطان الشهراني
----------------------
القصيدة طيبة ويستاهل ترخص له
والرد يقول :
مرخوص يا ذيب من ذياب سلمان
سلمان راعي موقفه والحزومي
ممنوع نرخص لك ترى الوضع نيران
ما اظن يخفاك النبا والحسومي
وانته ولد سلطان من روس شهران
وبني مشيط معربين السلومي
من حاربوا أبرهه عند العقيلان
ما اظن تتخلون عند اللزومي
هذي ترى جاتك وما عاد لك ثان
الوضع ما يحتاج يابن القرومي
أحمد راضي
1437هـ
أحمد راضي
1437هـ
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.